– Ба тко там ковтать в пüзньый час?
«Тко, кить ни я – Фіндлей!»
– Йди гет, бо вшыткы сплять у нас!
«А ты!» – вповів Фіндлей.

– Та як ты смів прийти й домü?
«Аццяк!» – вповів Фіндлей.
– Што мамка вповість ми самüв?
«Нич!» – уповів Фіндлей.

– Тобі лем двирьцї удопри…
«Вдопри!» – вповів Фіндлей.
– Ты туй бысь добре забабрив!..
«Го-гой!» – вповів Фіндлей.

– Ты там принüс и магарыч…
«Принüс!» – вповів Фіндлей.
– И думаш быти туй всю нüч…
«Всю нüч!» – вповів Фіндлей.

– З тобов лем нüч єдну аццяк…
«Аццяк!» – вповів Фіндлей.
– Сюды протопчеш ты арсак…
«Айяк!» – вповів Фіндлей.

– И пущу.., й дам.., йой, лїзь быстріш!
«Быстріш!» – вповів Фіндлей.
– Лем нич никому ни вповіш!
«Нич! нич!» – вповів Фіндлей.