Двоє милых ся на царинї любили.
Думали, ош йих нитко ни видить.
Айбо никала на нї трава зелена,
И вповіла вто овечкам білым,
А овечкы пастырю шепнули,
А пастырь вто подорожньому розбуркав,
Подорожньый – перевüзнику на перевозї,
Перевüзник – оріховому човнови,
Човен ушептав водї ушытко,
Уд воды ся мати дüвчины дüзнала.
И проклинать дüвка молодинька:
– А богдай бы сь ты, траво, ни зеленїла!
И обы вас, вüцї, вовце йзїли!
А тебе, пастырю, вбы чорт копнув!
А обы ти, подорожньый, ногы втпали!
А обы сь ты, перевüзнику, втопив ся!
А обы сь ты, човне, стлїв на попіл!
А богдай бы сь ты, водичко, пересохла!