Учора всї хвалили ня до неба -
Я серед пяных быв и бог, и царь.
Иннись руков попытав им до жеба,
А там - пропав послїдньый мüй грайцарь.

Я ни пропив го - точно памнятаву.
Ни вкрали  вд ня - там были цїмборы.
Днись не лем персты - вшитку пясть запхаву
До в задньüм жибi врваної дїры.

Коли м ся впстав з порожньыма жебами,
Вповiв им вто, що кажуть люде злi,
Кой голым нüгтьом вдарять ся у камiнь,
И  кров челлена брызне по зимлї.

Кого клясти? - Тых, що пачмагы шили?!..
Ци тых, що ми пачмагы продали!?..
Бо были в мене грошi! Точно были!..
А днись пропали - гиби ся скляли!..

Довкола ходять люде, жоны, дїти,
Дьüвкы смiвуть ся - грüм бы йим у смiх! -
Дїру,  што в жебi, мüг им щи стирпiти.
Дїру,  што в серци - вже м нияк ни мüг!..

Ни знаву, ош коли ми гüрше было -
Ци як смiяла ся из мене цвiтом ярь
В тот динь, кой ись навхтема ня лишила,
Ци кой пропав послїдный мüй грайцарь?!..