Сонце ляже, сонце встане,
А датко ни годен спати -
Хытрi й наглi галичане
Позиравуть за Карпаты:
Всьо там ипно, всьо там мило,
Є й на псови солонина...
И таку брiхню пустили,
Ош и наш край - Украйина.

                                      Махыр хытруном ни стане,
                                      Хоть по-якому кажiть:
                                      Русины и галичане
                                      Навхтемашнi дны - чужi!

Нашi прадїды жадали
Уд врагüв нас вбараняти,
И у жминях насыпали
Меже нас межу - Карпаты.
Злüсть сусiцька нас ни стерла -
Галичанин задарь злить ся,
Бо Говерла щи ни вмерла,
Й ни в Днїпро впадає Тиса!

                                      Махыр хытруном ни стане,
                                      Хоть по-якому кажiть:
                                      Русины и галичане
                                      Навхтемашнi дны - чужi!

Фрас дияволом ни стане,
Брындакы ни є хрущами...
Памнятайте, галичане,
Ош Карпаты меже нами!
Щи ни вмерла Украйина,
Сигiнь, най и ни вмирає.
Лем украйиниць русина
Най ни кывать - ни торкає!

                                      Махыр хытруном ни стане,
                                      Хоть по-якому кажiть:
                                      Русины и галичане
                                      Навхтемашнi дны - чужi!