Щи як ты, русине-брате,
Быв Страны Советüв сын,
Та все сь думав, ош нацмены
Вто - грузин, вать армянин.

Може так тото и было,
Айбо так уже ниє,
Бо Страна Советüв славна
Лем в сирцях у нас гниє.

Де была Страна Советüв,
Там цвіте ннись сто держав.
А ты, русине нищасный,
До Украйины попав.

И типир ты кожив чуєш
Историчный сись момент:
У великüв Украйинї
Каждый русин є - нацмен.

И вже майже довго буде
В Украйинї славнüв - тут:
Галичане - суперлюде,
Украйинце - просто люд!..

А русин - націонална
Меншина лем, и тому
Галичане й украйинце
Научавуть йих уму.

Уткüть розум у русина,
Кой в украйинця ввüн є?!..
Галичанин суперменом
На вирьховинї жиє.

Вбы вкрайинцям доказати
Йих паскудство, йихню лжу,
Сам великый Бог из неба
Вер Карпаты, ги межу,

Што навхтема подїлила
Зимлю, віру и язык...
Айбо вкрайиниць до правды
И до чесности ни звык:

Лїзуть, лїзуть в Пüдкарпатя,
Трощать, трощать наш народ...
Та дасть Бог - мы з свого краю
Уженеме гет заброд.

Пüде вкрайиниць - додому,
Й галичанин-супермен.
И николи в Пüдкарпатю
Русин ни буде нацмен!