Партократы... Дымократы...
И - нищасный мüй народ:
Не лем в жеб покласти нїшто -
Нїшто покласти у рот...

Милый русине, утям ся!
Мийригашный, де ты йдеш?!
Тко ни найде спокüй в собi,
Тот ни найде го нигде!

Што тебе змийриговало?!
Тот дурный нацїоналїст!?..
Тко бойиться мраку ночи,
Тот ни ввидить нигда звiзд!

Галицькi нацїоналiсты
Довели до безны нас -
Нiвшто вдїтися, ни iсти...
Но, та най йим буде фрас!

Говорять єдно, а чинять
Ймак ни вто, псячi сыны.
Плюнь на них, пайташу милый, -
Пак, бо тко мы?! -Русины!

Заповiв нам Бог русинськый
Полївляти дуракам...
Айбо своє - сокотити!
Й - лїпша доля буде нам.

Партократы... Дымократы...
Галичане... Прийшлякы...
Будь лем русином, русине,
Й - поздыхавуть здыхлякы!