Украйинськый парламент в цїлом свiтї
Май малограмотный - тото й дурному ясно.
Айбо и з нима, кить штось звiдать чоловiк,
Бисїдовати мусай файно, красно.

Я своє звiданя оформлю в дипутацькый
Запрос, й зажену йим на сисiю велику.
Я знаву, ош йим всьым там ни до нас,
Та годно быти ош й отвiтять чоловiку.

Гий, дипутаты! Чуєте мене?!
Лишайте пытати дьüвок, играти в карты,
Лишайте коняк, брендї, самогон,
И докажiть, ош вы на дашто варты.

Я хочу вбы из мого Пüдкарпатя
У Западну Європу быв вчиненый мüст,
Широкый, довгый - до Парижа, до Мадрiда.
И вбы на нього тко захотїв, най бы лїз..

Коли после тяжкых нüчных трудüв
Удинь на сисiйи вы будете удпочивати,
На пличi мы взьмеме гатiжакы,
А тко й на бiцiклях ся годен розüгнати -

По тому мостови в Європу пüдеме -
Приймай, Європо, сигiнят из Пüдкарпатя,
Прокартяных, пропитых команiштами
и дымократами люди!..
Французы, ци - ишпанцї Мы вам - братя!

Мы иппен были дись серед моста,
Кой чуєме - Європа на нас гойкать:
-Домü йди, русине! Украйиниць ти брат,
Вать - стрыйчаник... Иди домü, й ни йойкай!

Кить годен ись - будь дома без братüв.
Бо ты, русине, єсь народ європськый.
И можеш жити ты нормално сам.
Попровбайлуй! - будь чоловiком в свiтї скоцькüм!

...Попробужали ся на сисiйи паны,
И догадали ся, ош и они - парламент:
Попрочитали наш аццись запрос,
Й рiшили, ош ни варта й говорити з нами.

Бо тко мы є?! Мы - простi русины.
А тко они!? Они всї - дипутаты!..
И туй я думаву: а нащо нам тот мüст?!..
А кить нам иншак сиринчу спровбайловати!?..