ЦАРСТВО КНИГЫ - Петровцій Іван Юрійович

Сайт писатиля Ивана Петровція

ЦАРСТВО КНИГЫ

Учинив я хыжу з книг,

И – живу в тüв хыжи:

Половінь, што пю из них,

Онь ми серце лиже.

Най вта половінь – чужа,

Лем ї упю – моя:

В ньüв и тїло, и душа

Куплються обоє.

Ткось за царство ми казав-

Я за ним ни бігав:

На земли м собі создав

Своє – царство книгы.

В них всього м себе спалив:

Вд смерти я ни втечу –

Вмру, й най грüб мüй ни землив –

Книгами замечуть.