На селї три молодичкы
До роботы мавуть звычку –
Коплють, садять каждый динь:
И в Марії родить дичка,
У Олены – парадичка,
А в Юланы – росте хрін!

За тото, што суть шіковні,
И фіглярні, и примовні,
Хлопцї йдуть з усьых сторüн:
До Марії – кучирявый,
До Олены – чеперавый,
А в Юланы – росте хрін!

Істи, пити и гуляти –
Кличуть чилядь свальбовати! –
В церкви гучно вдарив дзвüн:
Йде у шлаєрі Марія,
И в Олены є пасія,
А в Юланы – росте хрін.

Раз на вто є Божа воля,
Раз така у ниї доля –
Ни чекала перемін.
Та прийшов фаттьüв неждано,
И кой убыймав Юлану,
Та стоптав ушыткый хрін!