Динь ся з ночив змішав
У порубаных горах карпацькых.
Кров з слызами тече
По русинському блїдüм лици –
Вто красу нашых гüр
Перегняцкали рукы прийшляцькі,
Онь русинськый Христос
Плаче з нами в терновüм вінци!

       ПРИСПÜВА:
               Гий, у горах русинськых
               По русинськы вітры грозовівуть,
               На безлїсüм пньüвльови
               Игравуть кырваві ножі.
               Лысі горы иннись
               Наші діти хащами засївуть,
               Лем нитко ни засіє
               Чорні раны в русинськüв души!

Ріжуть наші кüсткы
Украйинські иржаві терпугы,
Наші нервы рубавуть
Украйинські ступілі балты.
Лем ни думавуть най,
Ош мы – тюрмами спужені слугы! –
Мы панам–прийшлякам
Щи начиниме з пьнüв тых хресты!

       ПРИСПÜВКА:

Шелеснаті дубы
И навхтема зелені смерекы
Умиравуть спокüйно –
Так вмиравуть русинські дїды.
Айбо віруву я,
Ош уже вті часы нидалеко,
Кой на рüднüв земли
Зметеме гет прийшляцькі сліды!

       ПРИСПÜВКА: