Ци – живу?!.. Ци – вижу добре
               Вже лем сны?!.. –
”Погибоша, аки обре„
               Русины?!..

Зза якої тото кары
               Днись нас нїт? –
Што? И мы, ги вты хазары?! –
               Вмер наш слїд?!

Гий, хазары, обры, тко щи ?! –

  Русины !?
Тко вто й памнять за нас трощить
               Без войны?!

..
И кому вто треба вбы нас
               Ни было?!
Дниська – вы нас, завтра – мы вас
               Гет! – на злом!

Кить ростуть в городци ружа
               Й пастернак,
Тко тото хотїв бы дуже
               Вбы – ни так?!

Ци бервінок на завадї
               Когуткам?!
Украйинце гыбель ладять
               Русинам?!

Ладьте… Лем, што з того буде:
               Знає – Бог –
Жити дасть, ци – вбом присудить
               Некролог?!..