ТРИ ГУСАКЫ

 

Файно вмыті из рікы

Йшли домü три гусакы.

Чорный мав имня Мигаль.

Сивый быв Ферко-фіглярь.

Тритьый – білый ! – быв, ги пан,

Бо имня му было – Йван.

 

НАШ БАРАН

 

Наш баран

Не лем пан,

А й – гурман:

Дїла нього

Каждый сад – ресторан !

 

ЛИЧИЛКА

 

Яблычко зеленоє,

Яблычко челленоє

Убрывай,

Ци ни вбрывай:

Туй тя вижу –

Улїзай !

 

В НАШÜМ БОВТЇ

 

В нашüм бовті ни раз быв ты,

В нашüм бовтї суть пішковты,

Тунї фанкы, файный шовдырь…

В нашüм бовтї всьо найшов ты,

Заплатив, й домü пüшов ты.

 

ПЕРСТ У ЛЕКВАРЇ

 

В леквар перст им намастила,

И на перст ми пчола сїла.

Я хотїла перст вблизати,

А пчола яла кусати.

 

ЯГОДЫ

 

Знає Анця

В котрuв склянцї

Кüлко ягід лишить мамцї,

Бо сама йих

Вайно іла –

Іла кüлко лем

Хотїла.

Но, а мамцї

Впстало в склянцї

Тüлко ягід

На динцї,

Кüлко перстів

На руцї.

 

БЕЗ ЗАГУРЫ

 

Хмары в небесах плывуть,

Гикой рікы.

Місяць – молодый кугут –

Кукурікать.

Звізды квокчуть-квокавуть,

Гикой кури…

Сонце менї динь несе

Без загуры.