Я хлїба щи ни карандачив
Ни вд Бога, ни вд земных царьüв -
Лем працов кырвавов заплачу
За скыбу солену, што м йзїв.

Мüй няньо учив ня робити
У хыжи, на поли, в лїсу...
Учила ня мамка любити
Русинського свїта красу.

Я няня ни годен забыти.
Я мамины тямлю слова,
Што серцю ни зволять застыти -
Щи бисїда наша жива.

Тко мав у житю няня й маму,
Тко знає: за ночив йде динь,
Лем рüдныма годен словами
Язати до себе люди.

Удверженый світом, забытый,
Я тїшу ся з свої судьбы,
Бо што бы могло зо мнов быти,
Обым я русином ни быв?!..