Мüй май первый сусїд має лем цїмборüв -
Кой йих личить, та читать, ги список.
А я маву врагüв - вшыткым йим бым хотїв
Пястухом залїпити у пысок!

Та вповіште, де силы я тüлко узьму,
Вбы хоть раз доказати тым зайдам:
Руні люде бывавуть лише по уму,
Бог - ни в силї, Бог бывать лем - в правдї.

А врагы проповідувуть рунüсть таку,
Де вни май меже руныма руні.
Я мовчу. Туй бым слово дав лем пястуху,
Та вни - моцні, а мы щи всї - тунї.

Лем кой кажуть, ош сила - єдиный йих бог,
Кличу я свого Господа - правду:
Гий, што буде - вто буде, обы м хоть издох,
Мüцно бю пястухом в пысок зайду!...