Головный диявол віка
Ймак ни любить чоловіка:
Жовто уклепаный царь -
Гляданый всьыма грайцарь.

Быв - рубиль, инниськы - гривинь.
Лем го вчора заробив им,
Вже диявола ниє -
Из богатым в корчмі пє.

Дїти мої, милі дїти,
Задарь хлїба вам хотїти:
Гет утїк уд нас грайцарь -
Май продажный в світї царь.

Хоть в ня рукы з мозолями,
Та з порожньыма жебами
Быти вшыткый довгый вік
Тот диявол нас прирüк.

Хоть бы м улїз вшыткый з кожі,
Та вчинити нич ни можу,
Бо дияволська рука
Мüцно держит руснака.

Гий, русине, ты - русначе,
Нич в Украйинї ни значиш,
И ни будеш нигда пан
Меже злобных галичан

Най на тобі й божа слава,
Айбо з ними тот диявол,
Што лем никать вбы сь ни вкріп,
Ай май борше льüг у грüб.

Гий, дияволе, ты - чорте,
Я иннись плюву ти в морду:
Хочу жити без царя -
Вкрайинського грайцаря!