Ты – праведник. Ты спиш
В янгельськüв благодати.
Я – грішник! – молюся,
И всїм мішаву спати.

Я хочу вбы Бог чув,
Ош я щи ни пропащый,
И гойкаву, ги грüм,
Што гурконить над хащив.

Молитва – из душі,
Айбо ищи й – з гыртанкы!..
И рвеся, й гурконить,
Ги в Чехы руські танкы…

Онь смішно ми – ты йшов
У Чехы окупантом,
Хоть дома, на селї,
Быв ись послїдный дрантьош.

Ты, сигінь, праведник,
И мовчкы спиш у гробі:
А я страшный запал
Нияк ни вдержу в собі.

В дїтинстві было так:
Ты – тихый, я – кричащый.
Типир: ты спасся – вмер,
А я гойчу – пропащый!