Нїцше, Гітлер, Фрейд и Далї
На полицю ми книжну лягли.
Я сперед ними - з Осою русин! -
Хочу ся дюгнути йих верховин.
Пüлло йдуть в мене з дїтинства дїла -
Я притулив ся на сüм боцї зла,
И ни втваряву зацїпленых уст
Ош бы ня звідало сто Заратустр.
Глядаву своє призначїня й роль
В книзї "Аццяк бисїдує Адольф":
Гітлер в "Майн кампфі" всьо файно вповів -
Упомнянув и за нас - русинüв! -
Голос русинськый в Європі затих
Бо щи ни было фюрера в них.
Та де нам до фюрера, кой до нас йде
Щи ни прочитаный русином Фрейд:
Комплексы, лїбідо, мати, отиць -
Начала ни было, а йде вже кониць.
Які нипотрібні, які мы малі -
Фест змальовав нас великый Далї!

  * * *

Богбіг уд бід,

А я - ид богу

Глядав дорогу,

Топтав свüй слїд.

Кой в смирть зайшов,

Товды м увід їв,

Ош я в сих бідах

Стояв - ни йшов…