- ЛАДЬО ГУСТІЧИН

ПÜВАНКЫ ЦЇМБОРАМ ДЇТИНСТВА,

КОТРЫ СИСЇ СПÜВАНКЫ ВЖЕ НИГДА НИ УЧУВУТЬ

ЛАДЬО ГУСТІЧИН

Кить мош – взяти у пригорщі огинь
И, смівучися в очи вам, держати.
А дале – веричи, и з вітерцьом ся йграти,
Ни чувучи домак спаленых жминь.

Мош по дїтвацькы улїзти на пинь,
И, ги в селї бирüв, гойкаловати
Онь докüть ни покличе домü мати,
Авать ся кüнчить нискüннченный динь.

В дїтинстві дны были поправдї нискüнченні.
И ты йих, Ладю, нискüнченно хосновав.
Ты быв – огинь и вітер. Й ты пропав…

Хоть – знаву! – ты бысь ся зачудовав из мене,
Ош я різцьом класичного сонета
Вчинити байловав твого портрета.