СПÜВАНКА ЗА МУЗУ

СПÜВАНКА ЗА МУЗУ

Над рано, кой темно ся в хыжи и вон,
Кой я щи доникуву тритьый свüй сон,
Муза покровиць з ня нагло стягла:
– Вставай! – ждуть на тебе великі дїла!..

Я Музу поплескав по теплüм заду,
Устав, и промыти здрячкы свої йду.
Голод в жолудку трубов выграє –
Ни ім нич, бо істи у хыжи ниє.

Сякі дїла денні дали ми богы:
Позычити гроші, ни вддати довгы,
Богдай дись пуд вичüр штось веричи в рот,
И гüрко клясти ганьбу денных жеброт!..

Йсе всьо, што вдинь было. Хыба йсе дїла?!..
Богдай бысь ты, Музо, нигда ни прийшла…