БОБ!

Я тобі написав онь три писма. У каждому из тых трьох писем я тобі, Боб, писав, ош смертелно - на рак - хвора моя жона. Ош я ся убращав ид украйинсъкому урядови, и просив им уд них помочи фінанчної, бо свої фінанчны можности на лічіня мої жоны уд рака я вже утратив: продав им личну автомашину-луксош, продав им вшыткы цінні річі из дома... - айбо й того мало на лічіня такої страшної хвороты. Украйинськый уряд уповів ми, ош я - русинський писатиль-активіст, та най ми русины й помагавуть.
И я подумав: ай, поправдї послїдні тринадцять годив я до остатньої, цяткы кырви уддав русинству: гикой професіоналный писатиль упустив им онь чотири книгы по русинськы, за свої гроші также м упустив онь пятнадцать номерив єдинственної на Пидкарпатю русинської й по русинськы писаної новинкы "Русинська бисїда", много м уступав перед чилядив, искренно й плодно боровся за русинську идею!..
И я обратився до тебе, Боб. !
Я, Боб, не просив уд тебе твойых личных гроши - твоя патологічна жадность знана на Пидкарпатю каждому русинови.
Я просив тебе, Боб, як координатора розподілу гроши русинської дїаспоры Америкы, Канады и Європы, помочи менї у смертелно тяжкый дїла мене час.
Айбо типир, Боб, я вже порозумів, ош ты рахуєш пожертвована багатых и, на вдміну уд тебе благородных русинив світа свойыв личнов касов - гроші уттить ты береш лем дїла себе, и вто збилшого на нужды твої личні, и дуже рідко на потребности русинства. Ты нам не лем ни хотїв помочи из уданьом новинкы и книг русинської класикы - памняташ, як ись ме тя просили ?! - и ты нам нигда ни поможеш, ош бысьме здыхали. Гикой я типирькы.
Но - БОб ! - моя жона, умирать. Айбо - повіруй ! - ни вмирать и нигда ни вмре в мойов души ненависть до тебе - до фашиста из Канады й Америкы!
На мої дві перві писма ты, Боб, ни утвітив. А на мое тритьоє писмо ты, Боб, загнав менї КСЕРОКОПІЮ ТВОГО ВЫСТУПА у Празї у октовбрі 200І года.
Я йсе порозумів так: ты - канацькый академік Боб хочеш обы я - истинный русин из Подкарпатя ! - дав аналїз твого теоретичного опуса. Дам, Боб. Дам. Не просто аналїз дам, ай - поруналный аналїз. Бо, тямиш, ты, Боб, выступав у кыйовському интелектуалному часописї "Критика"/апріль 2000 года/, де сь писав абсолютно протилежноє тому, што сь говорив пак на конгресі в Празї. И я попровбайлуву ся розобрати, ош де ты, Боб, брешеш: у выступі у Празї/октовбер 200І года/, ци в Кыйові /апріль 2000 года/. Хоть я собі гадаву, ош брешеш ты як у Празї, так у Кийові - така вже твоя агресивна НЕСЛОВЯНСЬКА американо-канацъка натура ! Сисе точно порозуміли кыйовські интелектуалы из часописа "Критика" - мої давні цїмборы: Рябчук, Вислобоцький, вже вмерла Соломія Павличко..;. - дали ти побрехати, а вже в слідувучому номері часописа "Критика" /май 2000 года/ из тебе ся там посміховали, гикой из послідного смолоша - они нє академікы, но проблемы нацменшин знавуть намного лїпше уд тебе. Та вбысь типир знав, ош из кым мош брехати, гикой ты все брешеш - из брехливым попом Сидором, Фединишиинцьом, Сочком и другими примітивами из Пидкарпатя, но ни мош так ги ти брехати из людьми истинно вчеными й серйозными - они тобі дали вто, што сь заслужив, Боб ! Я тобі тоже дам - у слїдувучому номерї "Русинської бисїды" - будеш мати и мий аналїз, и моє интервю з тобов
Хоть ты, Боб, поступив зо мнов у мий смертелно тяжкый час так, гикой поступавутъ истинны фашисты - по скоцькы, по маржному. Я проявлю благородство: заганяву ти туйки мої звіданя-вопросы мого интервю з тобов. Даву чесноє русинськоє слово, ош вшыткы твої отвіты напечатаву так, гикой ты, Боб, мені их заженеш - даву ти послїдный шанс: чесно вызнай свою тринадцятьричну войну проты русинства на Пидкарпатю, признай твоє билш гикой тринадцятьрочноє розкраданя гроши удаваных русинськов дїаспоров світа на розвиток русинства на Пидкарпатю. Чесно назви тоты страшні сумы в доларах, на котрі сь убыкрав нас - русинив Пидкарпатя.
Ни даш отвіты - й так ни біда - я знаву отвіты на всї звіданя до тебе, и будуть напечатані они.
Гадаву собі, тебе ни чудує, ош пишу ти: "Боб" - ты колись казав менї, обым ся до тя аттак убращав. Но я віровав украйинському графоманови Фединишинцъови - твому лїшпому цїмборови ! - ош: "Магочі - могучый !", та казав им ти: "Ґаздо Магочію". Айбо в послїднї годы м порозумів, ош ты - Боб, а май точно по русинськы: Бобик. Академік Бобик - вонячый американський пес.
Моє интервю из тобов, Боб, буде ся називати:

МАГОЧІ - КРАДУЧЫЙ И ВОНЮЧЫЙ

Чому так ?! Ты, Боб, не заперечив украйинського графомана, котрый уповів: "Магочі - могучый", бо, видав, согласный ись из ним. Типир я кажу за тебе истинну правду: "Магочі - крадучый и вонючый" - и я сисе докажу на Фактах, а ты, Боб, кить ись валовшен, та заперенчалуй менї - я тото тоже напечатаву. Айбо - переходиме до самого интервю. Звідать Иван Петровцій /Європа, Подкарпатя/, утвічать Боб Магочі /Америка-Канада/.
Иван: ~ Боб, ты знав, и типирькы знаєш, ош уд украйинського уряда русинам Пидкарпатя чекати ниє што, и я билше дисяти раз просив тебе, гикой фактичного фінанчного розпорядитиля гроши русинської діаспоры Європы, Канады и Америкы, дистати нам гроші на упущаня систематичної новинкы /на свої личні гроші я упустив пятнадцять номерив єдиної на Пидкарпатю истинно русинської й по русинськы писаної новинкы "Русинська бисїда"/, я просив тебе, Боб, помочи нам фінанчно у выданю творив наших будитилив. Айбо ты мені, Боб, билш гикой дисять раз різко удказав. Чому ?
Боб: -
Иван: - Смертелно - на рак - захворіла моя жона. Треба было хоть нимного гроши на її лічіня. Я ся убратив до украйинського уряда - менї, русинському писатилю-активістови, удказали, посовітовали ся убратити до русиниз світа. Я ся убратив до тебе, Боб, убратив им ся у мий смертелно тяжкый час. А ты, Боб, не лем удказав менї, ай ищи сь ся посміховав из мене- вмісто помочи загнав ись ми ксерокопію твого выступа в Празї, причому, гикой ушытко в тебе, Боб, страшно брехливого й практично неперспективного, низдійснимого. Чому ты, Боб, так посміховав ся из мене у мий смертелно тяжкнй час ?
Боб: -
-Иван: - Продовжиме тему фінанчну - тему гроши. Тых гроши, Боб, изза якых ты й имився до русинства. Уд года 1989-го ты, Боб, каждый год маймало пять-шість раз бываш у Європі, на Пидкарпатю. Кить йдеш из Канады на Пидкарпатя, та кажда єдна подорож тя коштує маймало дві тисячі доларив. А щи в нас на Пидкарпатю - у страшных бідакив ! - ты, Боб, звык жити по гровфськы: майшикарні готелї, майдорогі іды, подорожі по Пидкарпатю -а тото вшытко - ГРОШІ, НАШІ ~ РУСИНСЬКІ, які могли бы пити на розумні цілі: выданя новинок, книг и иного!.. Айбо дниська вже на Пидкарпатю каждый русин знає, ош ты, Боб, такый жадный, што й гино своє готовый ись за собов изїсти, лем обы ся другому ни опстало. А тратиш ты уд года 1989-го на свої подорожі из Канады ци з Америкы на Пидкарпатя маймало в гид -ДИСЯТЪ ТИСЯЧ ДОЛАРОВ !.. Но маєш и рекорд: у годї 1999-му ты, Боб, быв на Пидкарпатю ЄДЕНАДЦЯТЬ РАЗ! Йсе значить, ош у тому годї ты лем на поїздкы украв уд русинив світа ДВАДЦЯТЬ ДВІ ТЫСЯЧІ ДОЛАРИВ ! А резултат тых твойых поїздок дуже плачевный: кой ты прийшов слїдувучого года на Пидкарпатя /уже дись у пятый раз/ та назначив ись стрічу русинив из тобов на 7 децембра 2000 года, и прийшло из тобов на тоту стрічу онь ... пятеро чиляди, из котрих двоє были украйинські беспекаші, другі дває гадали уд тебе упросити гроши /бо щи ни знали, ош тко ты є !/, и еден пяний русин прийшов. Такый ты, Боб, маєш на дниська авторитет-рейтинг на Пидкарпатю - надоівись, насточортїв ись ушыткым. И туйкы тя звїдаву: тко тото дав тобі право так опусто тратити такі великі русинські гроші без дїла ?!.
. Боб: -
Иван: - Уповіш чесно, Боб, до кого ты на русинські гроші так часто ходиш из Канады-Америкы на Пидкарпатя, в Європу: І. До твойых дїти, што живуть у Парижи ?!.. 2. До твої тещі й жониных ти родакив, што живуть у Словакиї ?!.. 3. Ци до русинив Пидкарпатя, котрі тя вже й відїти ни хочуть ?!..
Боб: - Європу
Йван: - В Ужгородї на улици Руськив, ЗІ фунгуе личный куперай "лїдеров" русинства Пидкарпатя біохіміка Йвана Туряниці и попа Митї Сидора. Каждый раз, кой ты приходиш до Ужгорода, та заходиш по дакилко раз и в сись куперай. А што, Боб, у Канадї и в Америці замало куперайив, што мусиш йих, ги истинный "какадемїк", нащивляти в Європі ?!..
Боб: -
Йван: - У апрілю 1998-го года в Пряшові зибрався "русинський актив" Європы, лем не прийшли туда русины из Югославиї, бо якраз у тоты дны американські фашисты бомбовали мирну Воєводину, изничтожали мирні газдиства, убивали наших русинив и йих дїти. Мы хотїли виразити наш русинськый протест проты американської фашистської агресиї в Югославиї, но ты, Боб, нам запрїтив виступити. Хоть американцив товды в Пряшові было лем дває: ты и американський жид Роберт Ротштайн. Но, а вже на конгресі в Празї 2001-го года ты и ині американці на слызы сьте ревали й протестовали проты акциї талїбив, котру они вчинили в Амершї 11 сектембра того года. Чому так, Боб ?!.
Боб: -
Иван: - У сектембрі 1998-го года Институт културы из Даниї уєдно из правозащитнов організаційов города Фленсбурга Німеччины органїзовали стрічу из русинами Пидкарпатя на Пидкарпатю. Я - русинськый писатиль и редактор єдинственної истинно про русинство й по русинськы пишучої новинкы "Русинська бисїда" ! - просив тебе, Боб, акредитовати там мою новинку, допустити мене до роботы тої стрічі. Но ты набрехав менї, а многым другым русинам, ош из Копенгагена /Дания/ и из Фленсбурга /Німеччина/ прийшов розказ нас туда не пущати. Исе товды, кой на тоту стрічу были допущені такі агресині антирусины Пидкарпатя, гикой Балега, Чучка, Сенько и ині, были там и просунуті украйинськов безпеков у русинство поп Митьо Сидор и Иван Туряниця. А нормалных русинов ты, Бобику, туда ни допустив. Чому ?!.'.
Боб: -
Иван: - Улїтї 1999-го года в Ужгороді быв пятый світовый конгрес русинив. "Лїдеры" русинив Пидкарпатя біохімік Йван Туряниця и поп Митьо Сидор ни допустили на тот конгрес мене и многых другых истинных русинив, хоть я на тот час уже быв лавреатом премиї имени А. Духновича й редактором единственно по русинськы на Подкарпатю пишучої новинкы "Русинська бисїда". Як ся потим признали біохімік Туряниця и поп Сидор- они нас не допустили на конгрес за твойым розказом, Бобику. Чому так ?!..
Боб: -
Иван: - В час роботы конгреса русинив в Ужгороді 1999-го года ты, Боб, уйшов за трибуну и вповів ись, ош на улици тебе стрітив такый собі Василь Заяць, и - ударив тебе по пыску. Айбо ты, Боб, забрехав, бо истинный русин Василь Заяць не вдарив тебе по твому американському пыскови, ай лем ти в очи вповів вто, што дниська ти готовы вповісти вшыткы нормалны русины на Пидкарпатю: - Злодію Магочію, иди гет из нашої землї у свою Канаду и в Америку, не убкрадай русинив Пидкарпатя, бо ты є головный ураг русинив у цілому світї - затаєный ураг русинив Магочі ! - Сисе, Бобику, суть точні слова, які товды тобі Василь Заяць уповів. А ты на конгресі на нього набрехав. Чому так, Бобику ?[
.. Боб: -
Иван: - Идею проведеня меженародных русинськых конгресив дали такі носталгувучї емігранты-русины из Прагы, гикой Парканій/уже вмерлыж/ и Р.Матола. И кить ищи перві два конгресы давали якоєсь сподіваня на йих хиснавность дїла русинив, то - "дякувучи" тобі, Боб ! - всї послїдувучі конгресы были повнов пустотов и нипотрібом. Єдно, што мы в ходї тых конгресив порозуміли: ниякої едности русинив Подкарпатя из вырождавучымися русинами Югославиї, Словакиї, а иных держав Європы /америцькі й канацькі русины вже давно ни такі ги мы !/ ниє и ни годно быти як дниська, так и в дньови завтрашньому. Хоть ушытко могло быти, бо головні мы - русинськый материк Пидкарлатя. Сисе розуміє и украйинська держава - тому нам и дыхати ни дає. Айбо кыбы ты, Боб, ни вкрав ушыткы давані русинськов дїаспоров світа гроші для русинив Пдкарпатя, та мы бы дниська стояли ни так плачевно, гикой стойиме!. Бо скороминущі "успіхы" русинив, што живуть у истинно демократичных державах - Югославиї, Словакиї, Полщі - дїло лем показовоє: из за свої малочисленности русины як у тых державах суть нулами, так и дїла нас нич ни значать /у Чехиї и в Мадярщині ниякого русинства вже ниє - лем носталгувучі діды и бабы, а носталгія ни є патріотизмом 1/. Чому ты, Боб, дових конгресові идеї до повного ідїотизма - иппен такым быв послідный конгрес русинив у Празї - ни варто было нам туда тратити свої гроші й час Так што, чому ты, Боб, убыкрадавучи русинив изничтожив идею русинськых конгресив ?!..
Боб: -
Иван: - Чому ты, Боб, спаскудив и майже изничтожив идею русинства на Пидкарпатю ?! Уєдно из просунутыми в русинство украйинськов безпеков, из твойима лїпшыма цїмборами, злодіями й курвашами Иваном Туряницъов и Митьом Сидором ты дових идею русинства на Пидкарпатю до такого абсурда, што иннишня молодеж Пидкарпатя мерзиться вже самого слова "русин", бо за ним стоять злодії а курваші: Магочі, Туряниця, Сидор. Тко з твойыв помочив є дниська началниками русинив на Пидкарпатю ?! Переличуву твойых цїмборив: понадвисимдисятричні- Юра Думнич, Василь Сочка, Василь Сарканич, понадсімдисятричні Мигаль Алмаші /заслужений діятиль Украйины !/, бывший член комаништичного бюро Ужгороцького универзитета Иван Кривсъкый; тоже вже давні пінзіяші: бывшый секретарь обкома комаништичної партиї Пидкарпатя Микола Макара, бывший секретарь комаништичної партиї Пидкарпатя, атеїст и алкоголїк Михайил Шарга - ушыткы позабивані в русинство украйинськов безпеков, тупі, малограмотні, агресивні, удбивавучі уд русинства русинську молодеж - ани єден из них ни годен ани слова по русинськы написати. Сисї типы прикрывавуть твоє злодійство, бо и йим инколи мало перепаде. Айбо хисна з вас русинам Пидкарпатя ниє й тилко, гикой уд цапа молока. Чому так, Бобику ?!..
Боб: -
Иван: - Уєдно из утїклым из Пидкарпатя историком Иваном Попом ты, Боб, скомпоновав якусь "Енциклопедию Пидкарпацької Руси". Учинили сьте за гроші русинської дїаспоры світа МОГИЛНЫЙ КАМІНЬ на могилу щи живых на Пидкарпатю русинив, а щи: прикрывавучися сив, гикойбы "енциклопедийов", удмыли сьте дває из Иваном Попом файні изрі доларив русинської діаспоры. Хоть такі страшні гроші могли пити й на розумні цїлї - на удрукованя творив русинськых будитилив, на новинкы й книгы русинськых истинных писатилыв... Но, айбо: широко сьте в тив " енциклопедійи" прославили ушытку файту втїклого из Пидкарпатя Ивана Попа - майперво його самого, дале його тупого й бездарного брата Митю, давно вмерлого й нич діла русинив ни вчинившого йих витця Попа, свата Йвана Попа - амеррикантоша Шабака, зятя Ивана Попа - тоже американтоша Шабака, ищи пару родичив по доньці -американтошив Шабакив, доньку Ивана Попа и т.д. Завто ани слова сьте в тив "енциклопедиї" ни вповіли за такых истинных русинив, уже умерлых Стефаана Бендаса, Ивана Комловшія, за живущого Ивана Талабішку.., за молодеж русинську: Василя Заяця, Петра Гецка, Ивана Латка... ни названа ани єдна з моых чотырьох русинськых книг, ни слова ни вповіджено за мою новинку "Русинська бисїда" /сподївавуся, ош после слїдувучого номера ты, Боб, и Поп будете ї споминати часто и з чуством !/- а нашто было товды за мене там писати ?!.. Може й добре сьте вчинили, што сьте, хоснувучи сталїнський метод подхода до кадрив нич ни вповіли за всунутого безпеков у русинство злодїя а курваша Ивана Туряницю, айбо нашто было так много брехливо хвалебных слив писати за / иппен аттак же безпеков усунутого в русинство тоже злодїя й курваша попа Митю Сидора, а його тупа новинка є "майпопуларна на Закарпатї" ?!.. Нашто так много брехнї, Боб ?! Тим билше, што русины Пидкарпатя тоту "енциклопедию и в очи ни выдїли - загнали сьте ї вшытку в Америку й Канаду, обы ї відїли тоты русинські багачі, уд котрых гроші сьте удурили. Чому так, Боб ?! ..
Боб: -'
Иван: - Истинні русинські писатилї, Боб, такі гикой Михайил Кемінь, Йван Петровцій, Василь Фантич а ині упущавуть свої книгы вать на гроші личні, вать на уковдовані уд полурусинськых "нуворышив". А тупый, абсолутно бездарный пінзіяш, ридный брат утїклого из Пидкарпатя историка Ивана Попа Митьо Поп упустив нараз онь три абсолутно бездарні й русинам ни трібні брошуркы на гроші русинської діаспоры світа. А щи сього тупаря и бездаря, служачого в попа Миті Сидора пуцером Митю Попа просунули сьте на місто гикойбы угнаного из русинства безпекаша, злодія и курваша Ивана Туряницї, и туйкы такый дали сьте му онь висим тисяч доларив на агитацию по списованю чиляди на Пидкарпатю. А тото списованя ЧИЛЯДИ на Пидкарпатю провалено, загублено, ниє успішным, бо нияка ся пропаганда ни вела -Митьо Поп /брат историка Ивана Попа/ купив собі сынови на тоты изирі луксош. Так што ты, Боб, первый раз за тринадцять годив не лем собі сь украв гроші русинської діаспоры світа, ай нараз ись йих дав явному злодійови й тупици - пуцерови попа Митї Сидора, братови автора комедійної "енциклопедиї" Ивана Попа - Митьови Попу. Чому так, Бобику ?!.. Бо записалося русинами на Пидкарпаттю в 2002 роцї лем ДИСЯТЬ ИЗРИВ /ТИСЯЧ/ ЧИЛЯДИ !...
Боб: -'
Иван:-На Пидкарпаттю знавуть: май великыма злодїями, які за послїднї билш ги дисять годив активно розкрадали гроші дані америцьков и канацьков русинськов дїаспоров на розвой русинства Пидкарпатської Руси суть:
1. Америцько-канацькый злодїй Павел Роберт МАГОЧI;
2.Псевдонаучникы браты Иван и Митьо Попы;
3. Біохімік Иван Туряниця и пип Митьо СИДОР;
4. Бывші великі комаништичні началникы, просунуті безпеков у русинство: вічный член комаништичного бюро универзитета Иван КРИВСЬКЫЙ, секретар комаништичного обкома партії Микола Макара, секретарь комаништичної партії Михайло ШАРГА, кандидат у науку Юра Думнич, заслуженый украиниць Михаил Алмашій и иже з ними. Иппен "дякувучи" вышевказаным злодіям, на Пидкарпацькив Руси 2002-го года русинами ся записало лем дисять изрив (тисяч) чиляди. Кой ни будеме чути за вышеперечисленых злодійив, товды ся й пичне на Пидкарпацькив Руси истинный розвой русинства! Што ты на йсе уповіш, Боб?
Боб: -' : - Твойым канацькым и америцькым грошодатилям ты рапортовав, ош иппен ты, Боб, на йих гроші создав Институт карпатикы в Ужгородї.И ош директорами сього Института карпатикы были, гикойбы историк Иван Поп, а дале - Микола Макара. Иван Поп утік из Пидкарпатя в Чехию за масным хлібом, а бывшый секретарь обкома компартиї Украины Микола Макара нидавно быв угнаный из директорованя гет на пінзію. Билше того: тот Институт карпатикы не ты, Боб, учинив на гроші русинької діаспоры світа, ай быв тот институт учиненый на гроші украйинського Міністерства освіты. И николи ввин иппен тому й ни служив идеям русинства, ай лем - и дуже агресивно ! - идеям украйинськым и тому - лем антирусинсъкым! - як при Иванови Попови, так при Миколі Макарї, так и при нынішньому директорови Миколі Вегешу, котрый є украйинськым фашистом, активным антирусином. Но та чому ты, Боб, брехав твойым америцькым и канацькым грошодатилям, ош иппен ты в Ужгороді создав цїлый русинськый Институт на йих гроші ?! Де суть тоты гроші, Боб ?!..
Боб: -
Иван: - Рокив тому дисять украйинськый графоман Фединишинець на твий, Боб, заказ написав цілу книгу про тебе любимого, Боб, и ты на гроші русинської діаспоры світа тоту книгу удав: "Феномен професора Магочія" - иппен тота твоя книга про тебе й помогла ти стати канацъкым "какадеміком". А нидавно - щи за Милошевича - ты захотїв тоту книгу про тебе любимого переудати в Югославиї бачванськым языком у Новому Садєі! - и явно, ош на гроші русинської дїаспоры Канады и Америкы. А ци ни доста ти было, ош понадрукововав ись так много твойых книг на русинські гроші, а тоты твої книгы ни давуть русинам НИЯКОГО хисна, бо суть лем- за тебе собі любимого, Боб? Чому ты, Боб, так упустовуєш русинські гроші ?! Де КНИГЫ наших Будитилив, Боб ?!
Боб: - Йван: - Тото, ош ты, Боб - КРАДУЧЫЙ, я вже доказав. А типирькы пару слов за твою, Боб, ВОНЮЧИСТЬ. Каждый раз, сидячи лем по русинськых президіях, та на очох ушыткої чиляди непроизволно почихашся в голову, из котрої вічно ся сыпле луска, урвеш собі з головы якыйись прыщик, пуднесеш го собі до носа, понюхаш, а дале так же непроизволно убытреш тоту руку в пачмагы. Ци ты, Боб, хоть розумієш, ош чиляди на тебе товды онь мерзко позирати? А до того щи кить уд тобі пудыйти близько, та вічно уд тя вонить страшним козлом, но не русинськым, ай тьм ковбойськым - канацъкым вать америцькым козлом. Што, Боб, у вас в Америці ци Канадї ниє дезодорив тай средств уд лускы в голові ?!..
Боб: -
Йван: - Кить, Боб, и втвітиш на мої звіданя, та ни дякуву ти - злодійови й брехачови дяковати нїзашто. Послїдный до тебе, Боб, вопрос такый: килко мілійонив доларив ты вкрав, маскувучися пуд русинського добродїтиля? Америцький истинный русин, редактор часопису "Свободное слово Карпатской Руси" Михайил Илькович Туряниця у интервю новинцї "Русинська бисїда" перераховує дуже многы благодійні фонды Америкы и Канады, котры ты, Боб, убыкрав уд имени русинив Пидкарпатя. М.И.Туряниця пише: "Не верьте ни одному слову подлеца и вора Магочия - он пробрался в русинство только с одной целью - обогатиться !". Цїлоє, Боб, интервю из М.И.Туряницьов читай у слїдувучому номері "Русинської бисїды" - там буде напечатано и сисе интервю, а щи - аналїз "Енциклопедиї Пидкарпатской Руси", пуд котру ты, Боб, из / "историком" Иваном Попом украв так много изрив доларив русинської діаспоры світа. Ты можеш, Боб, назвати хот приблизитилну суму тых изрив и изрив доларив, што ты йих украв, починанучи уд 1989 года, прикрывавучися благодїтильом русинив Пидкарпатя ?! А мы - годны ! И назвеме ї у слїдувучому номерї тої новинкы "Русинська бисїда", за котру ты запрітив писати "историкови" Иванови Попови у його сімейнив и комедійнив "енциклопедиї".
За йсї тринадцять годив ты, Боб, на гроші русинської дїаспоры світа пять-шість раз на рик нащивляв у Парижи свойых дїточок, у Словакиї -тещу й родакив жоны, на Пидкарпатю - удурьовав ись роботы нашых художникив Беленив, Бровдїйив, Микиты и иных. А русинство на Пидкарпатю ты изничтожив повностив - из розумних люди на Пидкарпатю за русинство вже нитко й ни споминать: тоты пінзіяші-безпекаші, из котрыми ты щи й дале нас убыкрадаш, у рахунок ся ни беруть - тото е пінзійна пустота.
Тому мы будеме просити ГРОШОДАТЕЛНУ ДІАСПОРУ РУСИНИВ АМЕРИКЫ Й КАНАДЫ:
І. Злодійови и брехачови П.Р. Магочію билше гроши на русинство ни давати !
2.Кить ты ся заявиш на Пидкарпатя, та нараз мусиш нам уповісти, ош ЧОГО и НА ЧИЇ ГРОШI ты сюды прийшов, бо иншак по новинках буде написано, ош Магочі упят украв уд русинив Пидкарпатя маймало дві тисячі доларив!
3. Помочи нам - истинным русинам Пидкарпатя ! - у выпускови новинок по русинськы и творив русинськых Будитилив, и днишньых достойных писатилив!
Живи, Бобику, и памнятай: ты - злодій и брехач. И честованя до тебе уд русинив Пидкарпатя ниє и ни може быти. Из ниповагов до тебе - Иван Петровцій.

88015 Ужгород,

ул. Чорновола 9/8

Петровцій Иван