ТВОРЧА ИНТЕЛИГЕНЦИЯ ПÜДКАРПАТТЯ СЯ УБЄДНУЄ

У ЦIМБОРАСТВО ИСТИННЫХ РУСИНÜВ

Иппен сисе было засвiдчено 26 сектембра в Ужгородi, кой у Домi Александера Духновича ся зыбрали на своє первоє засїданя представителi вшыткых творчых - умiлецькых напрямüв: писатилi, малярi, скулпторы, компоновачi музыкы, режисеры, професiйнi полiтикы, компютерщикы, безробüтнi а многi инi. По дружному спüваню нашого русинського Гiмна "Пüдкарпатскiи русины" народный артист Украйины Петро Матiй заспüвав три свої спüванки, слова до котрых написав талентный молодый поет из Мукачова Роман Пищалник.
Обстоятелным, глубоко продуманым и скомпонованым быв выступ лауреата Меженародної премиї имени Александера Духновича, русинського писатиля Ивана Петровцiя, котрый пак дале й вüх сисе зüбраня.
Причины повного занепада русинського кываня на Пüдкарпатю, гляданя хоть даякых путьüв выхода русинства из повного тупика а инi проблемы болüсно звучали у выступах головы обласної общественної организациї "Занятüсть" Петра Гецка, бiзнесменüв Володимира Иваняса и Ивана Ийбера, філософа, писатиля и скулптора Михайила Беленя, професiоналного полiтика Василя Заяця, фахмана Дома народного уметництва Михайила Бескида, головного режисера обласного театра бавок Олександра Куцика, безробüтного Сергiя Борсука, кандидата историчных наук Людвика Фiлiпа, старiйшого русинського писатиля Василя Сочкы, священника Олександра Юрины а многых другых.
У каждому выступлению звучала остра критика деструктивної дiятелности у русинствi канацького академiка Пола Роберта Магочія и його пüдкарпатськых пудлизнüв попа Митi Сидора, хорiшты Мигаля Алмашiя, команiшты Мигаля Шаргы...
Опридiлено головну идею Цiмбораства Истинных Русинüв - сисе є широка просвiтницька робота, яка досüть была домак удвержена самопоставленыма началниками множества фактично ни фунгувучых русинськых организаций.
Убрано руководящый орган Цiмбораства Истинных Русинüв - КУРАТОРIЙ. До состава КУРАТОРIЯ ввыйшли 11 (єденадцять) кураторüв, котры за куртый час уроблять Устав Цiмбораства Истинных Русинüв.

Цiмбораство Истинных Русинüв на свому первому засiданю єдиногласно приняло два обращения до истинных русинüв у дїаспорi:

1.Про повноє нидовiрiє П.Р.Магочiю;
2. Про ниучастiє у органiзованых Магочiйом конгресах изза йих повного пустовшагу.

 

Туйкы даєме тексты обох обращений:

 

1.Про повноє нидовiрiє П.Р.Магочiю

 

 Канацькый американтош Пол Роберт Магочi быв первый раз на Пüдкарпатю 1984 года - товды дуже велiкi почести му провказали команішты (нитко ни знає ош за што!)
1989 года П.Р.Магочi прийшов на Пüдкарпатя в другый раз и проголосив себе духовным няньом ушыткых русинüв свiта, а каммай - пüдкарпацькых. Нас - русинüв - товды на Пüдкарпатю было бüлше, гикой дивятсто изрüв, но и по смерти Совіцького Союза мы ся мало чули гикойбы сиротюками, та согласилисьме ся на Магочійово нянüвство. Айбо типирькы - через чотыринадцять годüв видиме, ош упсталося нас лем дисять изрüв, та твердо кажеме, ош лїпше быбыли сьме были кить уже ни сиротюками, та най хоть копыльцями, айбо лем не дїтьми аттакого няня, котрый за чотыринадцять годüв свого царьованя в русинствi свiта изгирив лем на Пüдкарпатю онь вüсüмсто дивядисят изрüв русинськоi чиляди. Правда, великый вождь Сталiн у Совiцькому Союзi мав бüлшi успiхы у изгириню чиляди, айбо дїла Магочiя и сисе дуже много.
А чому Магочiйово нянüвство серед русинства привело до такых плачевных резултатüв?!... А лем тому, бо такым няньом є П.Р.Магочi – жадным, думавучым лем за себе самого а за свою сiмю. Бо має Магочі жону из Словакиї, а в тої там ся впстала велика, дуже сигіняшна й голодна родина, а з троїчка Магочiйовых дїти єдно жиє в Канадї у Торонто, а двоїчко - в Парижи. А на сисе вшытко грошi треба. А в универзититi в Канадi ся тüлко ни зараблять. Иппен тому й уд самого 1989 года П.Р.Магочi безсовiсно кажду як маймалу, так майвелику фінансову й матерiалну помüч русинської дїаспоры свiта хосновав сам лем дїла себе, а на русинüв Пüдкарпатя давав лем тото, што зубатi професоры Ужгорода годны были уд нього, гикой вовкы, угрызти. Айбо Магочi сам добрый вовк - за сисi чотыринадцять годüв при помочи професорüв Ивана Туряницi, Ивана Кривського, Ивана Попа а иных загрыз у русинствi Пüдкарпатя май инициативных талантüв и впстався сам из такыма гикой овüн вовками: Сидором, Шаргом, Алмашiйом, што ни на яку нормалну роботу серед русинüв и ниваловшны, тай ни думавуть за ниї.
Мы - творчi русины Пüдкарпаття - просили уд Магочiя помочи на регуларну русинську новинку – ни дав!..
Просили сьме помочи на выданя книг русинської класикы – ни дав!..
Хоть мы добре знали, ош уд имени русинüв Пüдкарпатя овüн убыкрав множество благодїйных фондüв Америкы, Канады и Європы. Дüйшов Магочi до такого злодїйства, што у Рüк Духновича ни упустив ани малинької книжичкы нашого Будителя. Намiсто народных книг Духновича за гроші, дані дїаспоров на уданя Духновича, Магочі напечатав якусь свою енциклопедию, гикой бы за русинüв, айбо коштує тота книга дись пиля двасто доларüв, та нитко ї из русинüв не лем не купив, ай и ни вiдiв.
Грошi - МIЛIЙОНЫ ДОЛАРÜВ! - пустив Магочi на ублажованя свойых дїти, а родакüв свої жоны, на уданя свойых книг, котры нигда русинам ни трiбнi.
Повбманьовав май талентных малярüв Пüдкарпаття - тüйтакый задарь повдурьовав уд них цiннi картины, из личных бiблїотек русинüв за копiкы удурив цiннi книгы.
На русинськых грошох и на русинськüв кырви став академiком.
А русинство у свiтi, а - каммай на Пüдкарпатю! - погубив.
Тому мы, русинська интелигенция Пüдкарпаття, што ся зыбрала у Цiмбораство Истинных Русинüв, просиме русинську дїаспору свiта ни давати ЗЛОДЇЙОВИ и ОБМАНЩИКОВИ П.Р.Магочiйови ани копiкы, ани цента гроши, котры овüн удурює гикой бы на русинство: Магочi тото вшытко краде лем собі!!!
Тко хоче помагати нам, чесным русинам задушеного Украйинов Пüдкарпатя, най выходить на зязь просто з нами.

 

На сьому ся пудписуєме:

 

Иван ПЕТРОВЦIЙ - русинськый писатиль
Петро
ГЕЦКО - голова обласної организациї "Занятüсть"
Володимир
ИВАНЯС - бізнесмен
Иван
ИЙБЕР - бізнесмен
Михайил
БЕЛЕНЬ - фiлософ, скулптор
Василь
ЗАЯЦЬ - професiйный полiтик
Михайил БЕСКИД - фахман обласного Дома умелецтва
Петро МАТIЙ – народный артист Украйины
Олександер
ЮРІНА – священник
Олександер
КУЦИК – режисер обласного театра бавок
Сергій
БОРСУК – безробüтный

 

 

2.Про ниучастиє у органїзованых Магочійом конгресах изза йих повного пустовшагу


Цїмбораство Истинных Русиüвни бере участия у вже сїм раз организованых П.Р.Магочійом конгресах тому, бо ани єден из бывшых сїмох конгресüв ни дав русинам Пüдкарпатя нич.
Органїзованы Магочійом гикойбы русинські конгреси суть по правдї продумаными Магочыйом шоу, які проходять як во славу, так и на хосен ЗЛОДЇЯ А УБМАНЩИКА П.Р.Магочія. Бо Магочі щи до вшüткого, готувучи аттакі конгресы, упрошує на нї много гроши, котры сам такый и краде.
Русины з Магочійовых конгрес-шоу хüсна ни мавуть, и тому Цїмбораство Истинных Русинüв участи у Магочійовых конгресах ни бере и до сього кличе вшыткых истинных а чесных русинüв світа.

 

На сьому ся пудписуєме:


Иван
ПЕТРОВЦIЙ - русинськый писатиль
Петро
ГЕЦКО - голова обласної организациї "Занятüсть"
Володимир
ИВАНЯС - бізнесмен
Иван
ИЙБЕР - бізнесмен
Михайил
БЕЛЕНЬ - фiлософ, скулптор
Василь
ЗАЯЦЬ - професiйный полiтик
Михайил БЕСКИД - фахман обласного Дома умелецтва
Петро МАТIЙ – народный артист Украйины
Олександер
ЮРІНА – священник
Олександер
КУЦИК – режисер обласного театра бавок
Сергій
БОРСУК – безробüтный

Попозирайте мüй

старый сайт:
http://gafya.narod.ru/

Дзеркало сайта

http://petrovtsiy.ltd.ua/

Tegs:

русинськи русинські співанки писни пісні фигли колядки, іван петровцій, вірші петровція, іван петровцій біографія, русины народ, закарпатские русины, русины на украине, становище русинів у галичині, галицкие русины, карпатские русины, русины фото, русинське радіо, русины, русини, русинська мова, русинский язык, русинська нація, русинська музика, русинська родина, русинськi співанкы, русинськi стихы, русинська правда, русинская литература, русинська література, русинская поэзия, русинська поезія