Хочу я вам уповісти -
        Най ни на біду! -
Люблять янгелы поісти
        Лем порзну іду:

Ймуть, заріжуть собі свиня -
        Божа благодать:
Хоть говіня - ни говіня! -
        Нич, до лем ідять!

По ідї и рук ни мывуть,
        Там, де ляжуть - сплять.
А у снї, ги свінї, тывуть,
        На всьый світ храплять.

Дале: пробудять ся в небі,
        Вичüр - выходный,
До дüвок литїти треба
        Докü сь молодый!

Молодый, та - файно втылый! -
        В череві опух! -
Дуже тяжко тягнуть крыла
        Аттакый гиндюх.

Нашто так ся наідати,
        Пидiк, знавуть всї:
Тяжко янгел череватый
        Лїтать в небесї.

Як у небі ся накрекче,
        Зайде в виндиглüв:
Янгел палинку ни хлепче -
        Лем вина гордüв.

Так уд рана и до ночи
        В кываню - в лету:
Янгел є чилянник творчый -
        Творить файноту!