Кой хмарами небо забили вітры,
Гет хмары м у небі розмüх помелом,
И нараз им звізды вшорив у шоры –
Я хочу обы вшытко файно было.

Потому м поникав на зимлю дольü:
Узяв им у рукы тугоє скребло
И зшкрüб им всю паскудь з села, гикой льüд –
Я хочу обы вшытко файно было.

А дале м поникав у двüр мüй и твüй,
Куды всякі біды судьбов натягло,
И гет им зметав усі біды, ги гнüй –
Я хочу обы вшытко файно было.

Запрятана в серци ся вткрыла душа –
Боляща, плачуща, слабка, гикой скло… –
Стояв и мовчав – нич им ї ни втїшав,
Хоть… хочу обы вшытко файно было…