Короставій призрак команїзма приссався до стражденного тїла русинського народа и провбайлує оживити свої здыхляцькі идеї животворящов кровльов русинства.
Иппен тому инниськы й чуєме уд важных а розумных русинüв аттакі гüркі слова:
-Русины втратили свüй шанс ...
-Русинськый поїзд пüшов без русинüв ...
-Русинство роздроблено и розгромлено ...
Айбо кить поправдї так є, та – ТКО ВИДЕН ?!.. ЧІЯ ВИНА ?!..
Я ни хочу туйкы щи раз споминати КГБ и його достойного продовжуватиля – украйинську безпеку: у дїлах націоналных проблем, а каммай – русинства – йих роль была и впстаєся керовнов и спрямовувучов.
Керовані и спрямововані й донынї сими страшныма організацїями, перві удары по русинству бüлш ги дисять годüв тому дали малограмотні прохвесоры а кандидаты в науку з Ужгороцького универзитета: Иван Туряниця, Иван Кривськый, Петро Лизаниць, Микола Макара и иже с ними, котры нараз, гикой зголоднїлї шакалы, яли доводити здоровоє тїло русинства до короставої здыхлячкы.
Диригентом сиї канїбалїстичної оргії быв и дниська ся впстає канацькый американтош Пол Роберт Магочі.
Иппен Магочі, на русинськüв кырви и нуждї зараблявучи долары дїла трьох свойых дїти, што йих держить у Європі в Парижу, и дїла множества зголоднїлых родакüв свої жоны у словацькых Межилабüрцях, у послїднї шість-сїм годüв повностив уддав русинство на загрізеніє команіштам. Ясно, ош из благословенія безпекы.
Комаништична експансія в русинство стройиться аццяк: понад ушыткым выситься комаништичный гуру – депутат украйинського парламента уд команіштüв, бывшый первый секретарь Закарпацького комаништичного обкома партиї Иван Мигович; конкретный дірігент комаништичної музыкы в русинстві є бывшый великый функціонер Закарпацького обкома комаништичної партиї, а дниська началник управлїня націоналностями Закарпацької облдержадминистрациї Михайил Черепаня; дале йдуть тоже бывші великі комаништичні началникы на Пüдкарпатю, а дниська – русинські началникы: Микола Макара, Иван Кривськый, Михаил Шарга, и вєдно з ними як учорашнї, так иннишнї пудлизовачї команїштüв а спецорганüв: хорішта Михаил Алмашій, бізнесоватый пüп Митьо Сидор, украйинськый графоман Феденишиниць, якого изза його гнидавости так и называвуть – Гнидонишиниць и иже с ними.
Иппен дякувучи сим типам, руководимым из Канады Магочійом-крадучым, а з Кыйова – комаништом Миговичом, русинство на Пüдкарпатю ся дниськы опустило ниже нулы – русинства ниє.
Правда, команишты на Пüдкарпатю щи май уздыхали, и, видячи, ош уже ся в нашому крайи здыхляцькым комаништичным идеям нїгде и нїнакого пудперти, паскудотні комаништичні вождї ймилися до русинства. Ясно, ош из тайного благословенія безпекы.
Ни знаву чому нитко ни вповість комаништичному депутатови Иванови Миговичу ош русины ни суть його електоратом – выборчов чилядив!.. И – нигда ни будуть!!!
Айбо втопавучый и за соломку ся хапле – так и команішты на Пüдкарпатю – здыхавуть и з собов у здыхелну пропасть и русинüв тягнуть.
Типирькы я сміло кажу: русинство на Пüдкарпатю годно быти лем за єдного условія – кить по дохторськы изшкребтати из стражденного тїла русинства комаништичну коросту: Ивана Миговича, Михаила Черепаню, Миколу Макару, Ивана Кривського, Михаила Шаргу, хорішту Михаила Алмашія, бізнесоватого попа Митю Сидора, гнидавого Фединишинця-Гнидонишинця, но и само собов, и майперво – Магочія-крадучого и вонючого.
Лем без сиї короставої паскуди русинство на Пüдкарпатю могло бы щи мати якусь слабиньку перспективу.
Дасть Бог – буде мати!